مجلة رؤية قلم / #جوايا_زار / بقلم / عادل_عوف / تحياتي وفاء غريب.....
.
إلى الزحمة اللي جوايا
وخلق
من مشاعرنا
وشوش ياما
ومش معروفه هي لمين
إلى كل...... البنى آدمين
اللي تملي في الحضره ولابسه وشاح
وسلم روحي اللي بينفسن
ومايطلعش
إلى الحاضرين هنا فرجه
وما بتطمعش
إلى كل اللي عينه إزاز
وماتدمعش
إلى الحاضر
إلى الغائب
إلى العاصي
إلى. التائب
إلى المصلوب
إلى السايب
إلى المغلوب عشان خايب
إلى الغالب بكام خالب
أنا قلبي ماهوش دايب
ولا عاتب
ولا هايب
يعيش الوحده من تاني
أنا المظلوم وأنا الجانى
فلما الحب نجانى
وهبني الموته مجاني في روحي غريب
فكان م الصعب أقول ياطبيب
ما بين الدف والمظهر
وشال أخضر
ما بين المسك والعنبر
وديك احمر
ما بين التوه والتوهان
وشيخ بهتان
ما بين الحزم والفلتان
اموت دبلان
اموت 100 موته فوق رمشك
ولا اغشك
ولا موته
اموتها جبان
.
#جوايا_زار
ليست هناك تعليقات