أنا لو فضلت أحكى غرامك بقلم . محمد لبيب مصيلحى

أنا لو فضلت أحكى غرامك
من الصباح للمساء
راح أحكى عن حنانك
أنك شئ من الوفــاء
أعيش اليــه وأكون معـــاه
عاشق وطاير فى السماء
ولو حاولت أبعد شوية
وأنسى الدقايق والثوانى
اشوف عنيك تنده عنيا
وقلبى يقولك فى الآمانى
خلى ايدك تمسك أيديـــا
وأرسم رمشك بين منامى
أصلى الحكاوى عنك كتير
من الصباح للمساء
لكل طير ممكن يطير
أنك يا قلبى كلك وفاء
وأسمك دايما عنوان حياتى
أضحك معاه أحكى معاه
ويكون تاريخ لذكرياتى
اللى فيها أنت البداية
بضحكتك بمشيتك
أنك أصل كل الحكاية
وانى فيها عاشق لمستك
................................
بقلم . محمد لبيب مصيلحى