مجلة رؤية قلم / بألواني / بقلم / صبري شومان.....

بألواني

وجودك جنبي شيء تاني 

يا ساكنة القلب مالكاني 

واه ياني 

صحيح ف الحب انا اناني 

وطيور الدنيا سمعاني 

بترسل عطر وأغاني 

وموالي بصوت

من نبض شرياني 

وحتى الخطوة واخدني 

لاحضانك وحاسس بيك 

بنني عينيك 

وليه ياحبيبي بتعاني 

ياعم العشق رباني 

وحبك والله رباني 

وحتى النطق للساني 

وانا والنعمة لساني 

بنتعلم بصفة الجمع 

كيف ايووووه بنقولك 

رمش عينيك دا الجاني 

وجاني رسول ف أحلامي 

وصحاني 

وقال ان الحلا ف رسمك 

وسلطاني يواد سحرك 

مين اهلك قوام قوللي 

اكيد الأب حلواني 

وامك ليها حق كمان 

اكيد ابوها بستاني 

زرع ورد الجناين ليك 

ياعم العشق خلاني 

خلاص مفضوح 

وعنواني صبح شطك 

خلاص بطلنا يا مواني 

نلف الدنيا ونعاني 

وعزة نفسي مانعاني 

اقول عنك 

رسول والدعوة علشاني 

بحبك والله حبك كبير 

يا اجمل صورة 

برسمها بألواني

صبري شومان