الشاعر/ رضا أبو الغيط شكلك متغير
شكلك متغير
ومحير كل العشاق
وانا لسه عاشق وصغير
ولحبك دايما مشتاق
فبلاش نتناقش ف مسائل
بالساهل تخلص بفراق
وان حابه نفضل أحباب
فبلاها نفضل أغراب
وبلاش اللوم اللي ما بينا
وما بينا من كشف حساب
والباب الفاصل أشواقنا
يتكسر من غير أسباب
وان غاب الواصل نتواصل
لو حابه نفضل عشاق
وان شاب الشعر اللي ف راسي
كراسي دايما مفتوح
وتملي قلمي واحساسي
ما بيعرف ف الحب نفاق
شكلك متغير
ومحير كل العشاق
ولكني رافض اتغير
وصغير قلبي اللي هواكي
ولكنه دايما مشتاق
وعشانك حالف ليعدي
ويخطي كل الأسوار
ويطفي النار اللي بتحرق
ف قلوب وعيون المشتاق
وعشانك م الصبح هيعبر
يا حبيبتي..... كل الأنفاق
*********************
رضا أبو الغيط
ليست هناك تعليقات