سكة سفر سكة سفر شعر /وحيدعلي محمدحسين

 

سكة سفر
سكة سفر
كلها دروب كلها شقى
والدنيا اللي واسعة ضيقة
شنط كتير وحاجات كتير
بس هي فين النفس اللي تفرح بقى
كل فرحة وكل حزن
كل هم وكل كرب
لاقينهم في كل درب
شايفين النظرة فين
كل واحدة في اتجاه
مع إنهم واقفين هناك
يجمعهم نفس المكان
بس كل واحدة فيهم
جواها حاجة نفسها تتحقق
من زمان
بتكلم عن اللاجئين
بتكلم عن المحرومين
من حض دافي ويا الحنين
عارفين يا سادة يعني إيه حضن وحنين
يعني وطن وأب وأم
واخوات وعيلة تركوهم وجواهم حزن دفين
لو تبص في عيونهم
تلاقي كل دمعة
بتحكي قصة من واقع أليم
يمكن يكون هناك ذكريات
من عمر فات
حب واصحاب وأشواق واعتاب
لكن لما يرجعوا للواقع
يلاقوه عذاب
أصعب ألم لما تفقد الأحباب
من غير حساب
مين بعدهم هايدق علينا الباب
آه يازمن مالك أمان
لالالا مش الزمن
ده اللي باع الوطن
بعد ما كان مؤتمن
باع الأرض باع الشجر
بعد ما كان بيطرح أجمل ثمر
فين الزهور فين الطيور
راحت خلاص من غير تمن
آه يا زمن آه يا ألم
كان نفسنا
حضن وسكن يلمنا
بعد ماراح الوطن
الأب راح والأم
راحت من غير كفن
فين الوطن فين السكن
راح تراب راح هدر
والغدر هو المنتظر
كنا بنلعب ويا الولاد
ويا أهالينا والبنات ويا الشباب
هي كده الأسباب
ناس تبيع وتقبض تمن
وناس تشوف زل وهون
عايز تعرف يعني إيه
معنى الوطن
هايقولها لك أي واحد مغترب
أو لاجئ من غير سكن
مش بالكلام هاتقدر تعرف معنى الوطن
الوطن في عيون أمك وابوك
وناس تحبك وتخاف عليك
هو ده معنى الوطن هو ده أجمل سكن
حافظ عليه لا يضيع
من بين إيديك
على أرضك وف وسط ناسك
تقدر تعيش وانت رافع راسك
أوعي تفكري ياهانم
واوعى تفكر يا بيه
إن حريتك من غير أمان
تسوى إيه
والله لو جابوا لي مليون وطن
مايسوى عندي واحد جنية
شعر /وحيدعلي محمدحسين