مجلة رؤية قلم / محتارين / بقلم / رضا أبو الغيط.....
من سنين الناس ف وصفي..
محتارين
من سنين الناس بتسٱل..
ٱبقي مين ؟
والقضيه ف إيد بهيه
والحقيقه متداريه
ناس تقول الواد ده جني
وناس تقول الواد.. يا سين
ناس تخاف القرب مني
وناس تشيلني ف العينين
من سنين الناس ف صورتي
محتارين
ناس تقول الواد ده قبطي
ونايس تقول ..جده الحسين
ناس تقول الواد ابني
وناس تقول.. ده ابن مين؟
عشت تايه
بين كلامهم والسكات
حرف تايه
بين سطور الكراسات
طفل تايه من ملامحه
همه جوه القلب جارحه
حر عايش ع الهوامش
حلمه تحت القطر مات
بس نفسي ٱبقي نفسي
وٱلقي نفسي ..كل حين
من سنين الناس ف اسمي
محتارين
قلت مصرى ابن مصرى
مصر أمي ..هي عندي
آيه .....بتزين الجبين
من سنين الناس بتسٱل
إنت مين. ؟
قلت مصري ابن مصري
صورة العدرا ف قلبي
وقلبي ساكن ف الحسين
من سنين الناس بتسٱل
إنت مين ؟
قلت إني رغم سني
نبته طارحه ف العروبه
طفل شايل ٱلف طوبه
للجيوش...... الغدارين
طفل حلمه يلقي ٱمه
شجره طارحه ٱلف فرحه
للبنات ويا والبنين
طفل حلمه يلقي دمه
فوق تراب الارض طارح
ٱلف جوره ....م الحنين
والٱمان. .......للمظلومين
************************
رضا أبو الغيط
ليست هناك تعليقات