فكي شالك بقلم رضا أبو الغيط

فكي شالك واربطي به
جرح نافذ... جوه مني
وف ترابك.. تحت بابك
ادفنيني ...غصب عني
ده لأني.. عشت فيكي
مش لقيني ..أو لقيكي
واللي فيا واللي فيكي
جرح عمره يبقي سني

عشت فيكي عمرى كله
عمر طارح... ليكي ضله
بس فاقد...... أغلي خله
اللي كان.... ممكن يعني
واللي منك ..واللي مني
مدوا ايدهم ..جوه مني
شالوا فرحه ليكي طارحه
أحلي طرحه يا اللي مني
طفوا شمعه قايده ليكي
طفوا ليكي نور عينيكي
والحنان اللي ف ايدكي
راح عشانهم غصب عني
واللي بيكي مش بعاده
يجرح الكف اللي شالك
مدي ايدك..دول رجالك
هاتي شالك جنب مني
لملمي كل اللي فاضل
من زماني .ومن زمانك
كحلي ...عين الأفاضل
من شبابك... اللي زانك
احرمي كل اللي خانك
م الرياده...... والسعاده
داللي فاضل جوه مني
طعمه علقم غصب عني
ادفنيني تحت بابك
وسط حنية ترابك
واكتبي ع القبر.... إني
كنت واحد من شبابك
ياما ضحي لجل خاطرك
دمى حنه فوق ترابك
اكتبيها ....ولغرابك
ان أخويا اللي قتلني
كنت واحد... م الغلابه
رغم جرحي اللي بينزف
كنت بااعزف لحني ليكي
ولعينيكي ..عشت أغني
ادفنيني .....وف ترابك
جوه حضنك تحت بابك
وف غيابك وصي نيلك
يبقي يا خد ...باله مني
**********************
رضا أبو الغيط