بقلم / ابوعمرو الريشي ظلمك ليا...

ظلمك ليا...... 19/7/2016

.................

وظلمك ليه مالوش آخر

وعايز ليه تصافيني

وكنت زمان حبيب غالي

وكان حبك منى عيني

وكنت تقول وبسمع لك

وكان قمرك بيهديني

ونبضك كان بإحساسي

وعشقك نهر يرويني

زرعت البعد في قلبي

طرح أحزان تواسيني

كرهت الدنيا والأيام

كرهت الحب وسنيني

كتبت البعد والحرمان

سطور موجوعه ترثيني

وبعد ده كله جي بتلوم

وبتكتب شعر تشكيني

بلاش تظلمني يا ظالم

كفايه الحزن ماليني

كفايه أعيش من غيرك

ونار في القلب تكويني

.....................

بقلمي/ ابوعمرو الريشي