(( محكمة )) للشاعر ~~~~~ محمد سالم

محكمة

*******************

محكمة - والكل رافع مظلمة

نفس الوشوش فيها الرتوش تحكى رواية مؤلمة

أزمة حياة والكل تاه والغدر عامل ملحمة

الحق عار والذل نار والأمنيات مستسلمة

جدران خبيث وضلام خسيس والعتمة صبحت مُغرمة

ترسم طريق بالشوك يضيق والشمس فيه متحرمه

ماشيين يداروا فى الجراح والكل عايش مهزلة

بين الألم وطوفان عدم تلقى البشر متبدلة

زى العبيد - والنار تزيد - للعدل ليه متذللة

محمد سالم