مش هستني شعر / رضا أبو الغيط
مش هستني تلوم علي قلبي
ولا هستني تلعب بيه
لو مش عاجبك حبي وقلبي
فبلاش ضعفك يجرح فيه
ليه بتشك ف قلبي ليلاتي
ليه بتبكي دمع عينيه
لو مش حاسس بيه يا حياتي
بطل تجرحه وتبكيه
قلبي اللي انت بتيجي عليه
شايلك حضنه ونن عينيه
عمره ما فكر.... مره يخونك
ولا يوم فكر ......تقسي عليه
مش هستني ......تعذب فيا
ولا هستني..... تبكي عينيا
لو مش حاسس.... قلبك بيا
يبقي ما بيا ..ده ذنب عينيه
عمر الشك ما كان ف صالحنا
ولا نظراته.. ف يوم تصالحنا
ليه تخليه .......دايما يجرحنا
وتلوم قلبي ...اللي انت هويه
***********************
رضا أبو الغيط
ليست هناك تعليقات