طول عمرنا/ كلماتى محمود وحيد
طول عمرنا/ كلماتى
=============
طول عمرنا
بنداعب الهم اللى فينا بالغنا
وبدمعنا
نملى الورق أشعــــــــــار
نفتل حبال الصير
من خيط الوجع
وان طال علينا الليل
نفرد شعاع الحلــــــم
ونشوفوا ضى نهـــــــــار
نكتب على كف الأمل
ما تخافش
بكرة أكيد شايل على كتفه
ابتسامتك
شايل للفرح أســــــــــرار
إيه يعنى حبة ظلم؟!
أو بطن فيها الجوع براح؟!
راح اللى راح من عمرنا
لا أحنا اللى موتنا من الألم
ولا جوعنا نسًانا الهـــزار
نضحك ف عز المر
واحنا مبسوطين
لوحتى بنكٌح التراب
نرجع نلمه ف حضننا
يجرى علينا يضمنـــا
ونحس جواه الوجع
طـــــــــــــــــــارح مرار
حتى التراب!!
عارف حقيقة جرحنا
وان الأمانى ف سجنها
صابهـــــــــــــــا أنكسار
لكن ما مامتش الحلم فيها
لسًاها رافعاله الرايات
رغم الأهات
رغم السكات
شفايفها لسة بتبتسم
وما هدهاش الإنتظــار
طول عمرنا
الدم ينذف مننا
ويغرًق التوب المهلهل
فوق ضلوع الشقا
كل القلوب متشققة
بس اللى باقى منًها
حالف يكمٍل سكته
وبواصل المشــــــوار
لسة عناقيد المنى
جوة بساتين القلوب
حبات ضيا
لسًاها جواها الدفا
يصفًر لونها
لكن كيانها
مروى بحنان أرضها
شايفة فى عتمة دربها
الكون خضــــــــــار
إحنا اللى صبًرنا الدمــــــوع
وإحنا اللى رافضين الرجوع
ساقيتنا عاشقاها
الغيطان
حتى الحيطان
رافضة معاويل الهدد
رافضة الحصـــــــــار
ليست هناك تعليقات