طَلّ الفُلّ = بقلم : بهاء_اللبودى - تحياتي جدو عبدو
طَلّ الفُلّ
طَلّ الفُلّ وهلّ بعطره
قصد الكل ودوّب قلبه
سحر الجمع برقة طبعه
اه يا انا منه "طِعم اكمنّه"
بايت ليل ونهار ف السكر
رايق البال على طول متغندر
جوه الننى غلاوته واكتر
نفسى يخف حلاوته يقصّر
قلبى يا ناااس
وادى نبضى اتأثر
كل يومين غيرّ كوندنسر
لمسّ شوف كهربه بتأشر
خفّ يا سيدى جمالك عبّر
قلبى "دعييف"
انا لسه صغير.
طل الفل بعتلى سلام
وشبك قلبى بأحلى كلام
دوخت انا منه "طِعم إكمنه"
توهت فبحره اديلى ايام
ومنيش عارف
ليه حنينى جارف
بعيونى شايف
"شوقى فالسما ليه من أعوام"
طل الفل وهل بعطره
و خلّى الدنيا تقوم ما تنام
بقلم
بهاء اللبودي
ليست هناك تعليقات