************خليها على الله********** ====================محمودعمار الزلباني
*************خليها على الله**********
====================محمودعمار الزلباني
جمل المحامل برك
من كتر شيل الحمل
والحادى فى الوادى
خلص الموال
وصدى مواله
عدوده ممدوده
على اللى راح
وجراح تنبش فيها
الدودة
ممدوده مد البصر
يرمح فيها الخيال
يا خال سؤالى انطرح
ع الارض عايز رد
--------------
قوم يا جمل
ادى الطريق انسد
قوم خفف حمول الضهر
وارميها
وأوعاك تعد الخطاوى
لومكتوبه حتمشيها
------------------
قوم خدلك موعظة
م الطير
فارد فى الهوى الجناحات
لا شايل هموم بكره
ولا ناسى الصغار
فى العش
وخالى من كلامه الغش
فى سرحته فرحان
وفى رجعته فرحان
ولا عمره نسى التغريد
مطمن على بكره
عمره ما عرف الخوف
معروف مين
مقسم الارزاق
*************محمودعمار الزلبانى
ليست هناك تعليقات