(( متبصليش )) للشاعر ~~~~~ اسامة فؤاد حنا

متبصليش كلمات اسامة فؤاد حنا

متبصليش 

عينيكى فيها سهام بتجرح

تملى فيهم باتوه وباسرح

لكنى باعشق نظرة منهم

والقلب ويا الروح بيفرح

واحس ان الساعات مبتنتهيش

انا ف عينيكى السود بادوخ

لما تبصى كانه صاروخ

رشق جوه قلبى وجرحنى

صدقينى مش مسح جوخ

وانا بين رموشك نفسى اعيش

يا ريتنى ف عينيكى انام

واعيش ذكرى اجمل احلام

ومهما قالوا حبيبتى ف وصفك

لسانى يعجز عن الكلام

عشان انت حبيبتى متتوصفيش

عينيكى ورموشك سحرونى

هناك بعيد وخدونى

وف بير حب غويط

شالونى بحنية ورمونى

والدنيا من غيرك متساويش