(( بعوده ياالمسافر )) للشاعر ~~~~~ محمود صلاح السيد
(((بعوده ياالمسافر)))
الحاج راجع من السفر
معاه شنط وراكب شفر
والخبر أتذاع وأتنشر
الحاج رجع من السفر
شمر وسلم على الناس نفر نفر
وجاء العمده والغفر
يسلموا على الغايب اللى حضر
من سنين أخيرا سمعنا الخبر
سلامات سلامات يابطل
بلدك أحلى ولا السفر
قال نصيبي والقدر
عن لقمة عيشي أدور وماأنتظر
ولاأقعد أفكر وأستتر
وما خاب من أستشر
طمني ياعمده على الوطن
كيف حال البلد والبشر
وحشني الفطير والظفر
ومية النيل وضي القمر
وريحة الزرع والمطر
وصوت العصفاير على الشجر
والقاعده فى الغيط فى ساعة سمر
والضحكه الصافيه تدوي وسط الخلا
والساقيه دايره والتوته قايمه
ومفرعه جدايل وشايله عناقيد التوات ملونه
دي مصر ياعمده
صوت وشكل وطعم وريحه ولون
فيها العاقل والمجنون
فيهاالشبعان والمحروم
فيها المتعري والمستور
فيها الذوء فيها العتره
فيها العلم فيها الفكره
فيها الحاضر والماضي ذكرى
فيها من كل شرايح الكون لمحه
أصحي لكلامي ياعم وفوق
ولو ماشي عوج
قبلني فى المظبوط
وأرسم لمصر لوحه ضوء
كلها كرانيش وبراويز وخطوط
صندوق مفتوح الكل يبوح
ويشارك بفكره وكفايه نبكى ونوح
لو تسمع صوت الديك بيصيح
مع الآذان قول يافصيح
أنا فى مصر الحلوه بلادي
والعصفور طاير على الهادي
بيزقزق على الشباك والحيط وينادي
أما الطعم لذيذ ودا أفتراضي
لامجمد ولامحفوظ فى فريز بارد
ولوتتكلم من تليفون
أول نغمه تغني بلادي
تسمع صوت تسعين مليون
حتى الجماد ينطق وينادي
طيب ياعم الحاج
رحت زرت المقابر
مات الكتيرفى غايبك وفاضل
الله يرحمهم جميعا
سنين والكل راحل
والدنيا بتتغير ياعمده
وربك عالم وشاهد
يحسن ختامنا جميعا
وفى أرض مصر نناضل ونرابط
بقلمي/محمودصلاح السيد19/6/2016
ليست هناك تعليقات