(( انا المرحوم )) للشاعر ~~~~~ محمد سالم

أنا المرحوم

********

أنا اللى العمر راح منى فى قلب غيوم

لا أنا عايش ولا ميت ولا فرحان ولا مهموم

ونبض القلب غاب عنى صبح معدوم

أنا اللى بكيت وأحزانى نغم منظوم

بتصرخ فيا أوتارى ونبضى يقول أنا المظلوم

أنا جوايا حسرة وشئ مهوش مفهوم

لا قلبى كان حديد أصلى ولا فصلى وتر مسموم

أنا اللى آسيت فى أيامى وأنا اللى بموت فى أحلامى

وأنا الذكرى أنا الماضى أنا الحاضر وأنا المرحوم

محمد سالم