وجع بقلم / عبد الله الهوارى
الاولة: وجع
والتانية :وجع
والتالتة: وجع
الاولة: وجع فراق
والتانية: وجع حراق
والتالتة: وجع مشتاق
الاولة: وجع فراق وعايز صبر
والتانية :وجع حراق وطعمه مر
والتالتة: وجع مشتاق يرسى على بر
الاولة ::وجع فراق وعايز صبرومش لاقى
والتانية:: وجع حراق وطعمه مر ف اشواقى
والتالتة: وجع مشتاق يرسى على برومش راسى
الاولة: وجع فراق بنت سابتنى
التانية :وجع حراق ومثبتنى
والتالتة :وجع مشتاق ومبكتنى
الاولة :وجع فراق بنت سابتنى بدون اسباب
التانية :وجع حراق ومثبتنى ع الاعتاب
والتالتة :وجع مشتاق ومبكتنى لوم وعتاب
الاولة: وجع فراق بنت سابتنى بدون اسباب وفلت
التانية :وجع حراق ومثبتنى ع الاعتاب وذلت
والتالتة: وجع مشتاق ومبكتنى لوم وعتاب ملت
الاولة :وجع فراق بنت سابتنى بدون اسباب وفلت ومباينش رجوع
التانية :وجع حراق ومثبتنى ع الاعتاب وذلت ف الرمش دموع
والتالتة. وجع مشتاق ومبكتنى لوم وعتاب ملت ومش مسموع
وضارب الودع مش راضى
قالى الودع مش قاضى
مالنا ش علاقة بالموضوع
__________________
عبد الله الهوارى
ليست هناك تعليقات