براءه . بقلم \ أحمد شاهين
إللى مزعلها مين ؟
واحلف لها 100 يمين
لا امحيه من وش الدنيا
لو حتى يطلع مين
ولا أشوفشِ دمعه واحده
جوا عنييها الحلوين
يا ما قولت لها كتير
قلبك مليان بالخير
ما تعامليش كل الناس
ببراءه زى الطير
دا الناس فيها وفيها
وشيطان الرغبه ماليها
أقنعه تزييف وخداع
وبراءه من فوقيها
دا حقيقى خداعيين
إللى مزعلها مين ؟
يا حبيبتى يا كل ما ليا
شايف بعنيكى الدنيا
مليانه حنان وبراءه
بس هي حاجه تانيه
شيفاها من ع الوش
وبيضحك لك 100 وش
وضميرهم لا . مش خالص
عشقوا التدليس والعش
ويبانوا مُحترمين
إللى مزعلها مين ؟
واحلف لها 100 يمين
لا امحيه من وش الدنيا
لو حتى يطلع مين
ولا اشوفش دمعه واحده
جوا عنييها الحلوين
إللى
مزعلها
مين ؟
كلمات . أحمد شاهين
4 \ 6 \ 2016
حقوق النشر محفوظه م . ف
ليست هناك تعليقات