(( صورة )) للشاعر ~~~~~ الأمير محمد علي
صوره
صُوره فى لُوحه إزاز
محطوطه فى اليرواز
قريه وبيت فــــــلاح
تِحكى تقول بِفــــلاح
صوت الوابُور يِهمس
عا الفول بيدَ مس
والعين غالبها النوم
سُلطان ومتـــحمس
والفجر بينــــــــــادى
وسكون مــــلا الوادى
وخفير ينـــــــادى هَاه
من غير انـــين ولا آه
تصحى العيون للنور
من موت مالهوش قبور
وتقول صــــــباح النور
ربك كـــــــــريم وغفور
يالا نقــــــوم نِسعى
ارض الكريم واسعه
والى علــــــــيك أديه
سيب النتيجه عـــليه
ربـــــــك مقسمــــها
ارزاق وحاسمــــــــها
وتكون امين وقـــــنوع
بس الكسل ممــــــنوع
الشاعر الامير محمد على
5/5/016
ليست هناك تعليقات