توب الغرق بقلــــم/ محمد سالم
توب الغرق
************
شاهد عليك الوهم والخوف والقلق
شاهد عليك ليل العذاب وكتابى الورق
شاهد عليك زمن الضلام والنبض فينا اللى إتخنق
كان السراب بيضمنا وكابوس واخدنا لمفترق
وإنتهينا للعدم وشباب قلوبنا اللى إتحرق
وإنكتب نفس المصير ودخلنا للأحزان سبق
ودارينا روحنا بالعيوب والباقى م العُمر إتسرق
يا حلم أيامى العليل يا حسرة الموت لو نطق
تشهد عليك كل الذنوب ولا ينفعك توب الغرق
ليست هناك تعليقات