جوه القفص عصفور أسير بقلـــــم/ رضا أبو الغيط
جوه القفص عصفور أسير
بجناح وريش ...قلب وضمير
نفسه يدوق طعم الهوا
حلمه ف يوم يرجع يطير
جوه القفص عصفور أسير
بجناح وريش.قلب وضمير
عصفور ما شاف شمس النهار
مسجون ما بين ألفين جدار
حلمه البسيط رفرف وطار
صابه انكسار ....حاله خطير
جوه القفص عصفور أسير
بجناح وريش.. قلب وضمير
فكر ف فن الصوصوا
يمكن يشيل همه الهوا
ونحس بيه ونقوم سوا
ونحط ليه قمح وشعير
جو القفص عصفور أسير
بجناح وريش.. قلب وضمير
عاش الحياه ما بين وبين
قفصه الحديد... دمعه الحزين
هيروح لفين ويروح لمين
والمظلومين ف الكون كتير
جوه القفص عصفور أسير
بجناح وريش..قلب وضمير
الهم حمل ما ريحه
شايله وراكض مطرحه
يا هل تري ها نفرحه
وللا القفص كان ليه مصير
جوه القفص عصفور أسير
بجناح وريش.. قلب وضمير
ليست هناك تعليقات