رضعان لو لزمو قلم ,,,, بقلم / الشاعر علي المعموري
ياهو التكضه مدلل
ياهو التكضه ابن الوصي
بس احنه حايطنه نصي
ارد احچي واتلوبگ عصي
جلدي تراهو مبزل
مبزل تراهو من البسط
طايح على الخبزه گرط
ذب صدام عالوادم سخط
هسه احنه ردنه مشكل ؟
هسه احنه ماردنه الذهب
ولاردنه بالسله عنب
بس كون مسدود الطلب
وعشاي خباز اقبل
اعشاي ريحان وخبز
راضين يارب المعز
ليليه نص الليل افز
حلمان عندي جم فلس
وطبول ومراكص عرس
واباب بيتي المرسيدس
فزيت لن كومة جل (اجلكم الله )
فزيت لن كومة كرب
مشرين جيراني حطب
جويريد ياربي گرب
جوريد شيخلص الشتا
والليل طالت حسبته
ولو جاك فاتيها وفته
وبراس الحچي يگلك صل
شصلي مو ضكني الدهر
خاف احچي واتعلگ شهر
هدم وزبون مبلله
من هالمصيبه وهالبله
ياربي شوف المشكله
بلچن طفيفه وتنحل
بلچن طفيفيه وتلتاش
ونغمس الخبز براش
لو بعثي ماگتلي باش ؟
لاچني مو من هذا الصنف
وزميلي رشمه بلاعلف
ولو عندي سياره وزلف
جاما بقيت مسحسل
ليست هناك تعليقات