عشان ترتاح بقلــــــــم/ زياد الإسكندراني

عشان ترتاح 

============

عشان ترتاح 

شوف نفسك 

على حقيقتها ..

وبص ف مرايتك 

وشوف كام حقيقة

فيك خبيتها ..

شوف كام طريق 

إخترته 

وكام خطوة 

في الخلا والهو 

مشيتها ..

و كام سكة

طولت فيها..

وكام نهاية

كان أخرتها

ضياع وعدم ..

عشان ترتاح 

ما تخجلش 

من شكوتك ..

ولا من وجعك 

ولا من صوت 

دمعتك ..

ما تخجلش 

من إعترافك ..

وإنك سبب 

غلطتك ..

ولا من خسارتك 

ولا من منتهى

إحساسك 

ب الندم ..

عشان ترتاح

لزماً تبدأ 

من أول وجديد ..

وتتمسك ب الأمل 

صعب كان

أو بعيد ..

وتكون ع اليأس 

عاصي وتكون 

عنيد..

وتواجه الزمن 

والتمن 

وتقول يا صبر

صبرني 

وقت الإنكسار

وإسندني

وقت الألم ..

عشان ترتاح ......