أه ياجدع بقلــــــم/ جبريل رضوان
أه ياجدع
ااااااااااا
أه ياجدع يابو قلب
دايب م الوجع
لساك معاند ف الزمن
ولا انت ناوي ترتجع
لساك عبيط مضحوك عليك
ولامتى عايش تنخدع
لساك معافر زي مانت
ولسه ماشي ورا الودع
داير تلف على البنادر
داير وراها ف كل شادر
مطاطي ليه مانتش جدع
خليك وراها دي الغازية
ولسه حنشوف البدع
ارجع لبلدك شوف نصيبك
وياما فيه غيرك رجع
مهي بنت بلدك اولى بيك
واللي انت فيه قلة سمع
مستنياك ترجع وتيجي
ارجعلها يادي الجدع
وجلبها ملهوف عليك
لاتكون عبيط ولاتنخدع
ااااااااااااااااا
ليست هناك تعليقات