(( كلاكيت آخر مرة )) للشاعر ~~~~~ رضا أبو الغيط
كلاكيت آخر مره
*****************
من فضلك اثبت ف مكانك
ممنوع تتحرك م السطوه
المشهد.....من جوه زمانك
أحلامك مش لاقيه الخطوه
اتلفت حواليك بشويش
من غير ما تدور بعينيك
ع الحلم الساكن ف النيش
والدم الباهت ف ايديك
خطوه لقدام.وارجع تاني
من غير ما تدوس ع اللي ف بالك
أصل من الصعب ألقي أماني
أو تاني.... يتغير حالك
الشمس أهي راحت هنصور
جزء من الحلم اللي مالينا
مش عاوز إنك تتهور
لو شفت دموع ماليه عينينا
المنظر محتاج لخشوع
وساعات. لشعور بالجوع
دي الأم..اللي بتولد دايما
يلزمها......تبكي وبدموع
كلا كيت.من فضلك هنصور
اتحرك ف مكانك حبه
مش حابه تفضل تتدور
وتنور.... م الضلمه اللمبه
اتحرك كده بص لفوق
ادعك ف شواشي عينيك
وبسرعه.. قوم فك الطوق
وسلاسل ...بتشل ايديك
الفجر ..لحظة ما يبان
من جوف الليل اللي مروح
قوم أذن من أعلي مكان
وبلاش من مشي المتطوح
اكشن.. حرك كل المجاميع
افتح شباك الحريه
ذغروده... من أم رضيع
عاشق لبلاده الورديه
اكتب لي بدايه حدوته
من غير أوجاع
اكتب لي نهاية حدوتة
سوء الأوضاع
اسطب هنصور تاني
من تاني هات الميادين
افرشها أحلام وأماني
وأغاني لست الحلوين
**********************
رضا أبو الغيط
ليست هناك تعليقات