(((صاحب ديوان))) بقلمي/ محمودصلاح السيد
(((صاحب ديوان)))
عملت ديوان وبقيت شاعر
وبشعري بناظر وبفاخر
شهاداتي فردها على الآخر
مع أن مواضيعي سابقه ومكتوبه
وكل شاعر كتب فيها موسوعه
والعنوان مكرر لكل شاعر ومصور
بس بأسلوبي كتبت كلام غير الكلام
وبدلت فى الرسم والعنوان
وطلعت فهلوى وقلت أسبق الكل وأجري أوي
وأطلع الديوان وأسميه أسم جنان
يشد الأنتباه وأعمل شاعر وفنان
وأكتب كلمتين على اليمين
وصورتين ليا على الشمال
ومش مهم التصنيف عاميه ولافصحي
المهم الشغل يطلع نظيف
والبركه فى الأصدقاء والشله
ودار النشر أحنا بنا عيش وملح وعشره
وأختار أسم كبير
شاعر الملايين أو محتكر الحروف
أو أسد أوحتي أبوأسماعيل
وطبعا مش هنسي رقم التليفون
على شان الأذاعه والتليفزيون
وبعد دا كله سألت نفسي سؤال
وبعد الأوسمه والنياشين
هروح بين الشعراء الجهابذه فين
بين الجماعه المستحوزين على الساحه ومسيطرين
وكل واحد فاتح منبر ومكان
يستقبل فيه كل الكلام وأى كلام
على شأن يولد عنده أفكار
ويكتب شعره الجبار
ويدخل مسابقه على مستوى مرموق
أو حتي ينشر فى جريده قوميه
المهم يشجع الشعراء المغمورين
بكلمه حلوه أوكلمتين ويجبر خاطرهم
أوحتي يمنحه وسام أويعمل له ديوان
بيني وبينك هو حد عاد بيقرأ ياعم قوم نام
هتفضل تكتب ياغلبان
وفى الآخر الحفله تتنصب
والكل يحضر على شان التكريم
وحصد شهادات التقدير
ويتعمل ديوان عظيم
يحمل أسماء الساده الشعراء الفنانين
ماتفرحش زياده ياأبن عمي أخرك مجله
إليكترونيه أو شهره زايفه معديه
ومكانك تحت الطبليه
تحصد فتافيت العيش ياعنيه
أما لوجيت على الفايده
بالنسبة لك معدومه
وكفايه تكتب وتطلع الطاقه السلبيه
مبروك عليك الديوان
وعجبي!!!!!!
ياأبو مايتين قصيده وأغنيه
ليست هناك تعليقات