؛؛ حزن وغضب ؛؛ بقلـــم/ عمادالدين العيطة
؛؛ حزن وغضب ؛؛
؛؛؛؛ أشعار ؛؛؛؛
مكتوب علينا
العمر منا يتسرق
زى ماإنكتبت مأسى
وياما عشنا كتير نواسى
قلوب .. مكتوب عليها ..
تنجرح وتتحرق
ويازمان مين علمك
تقسى .. تبيع
فين الربيع ..
اللى وعدت به قلوبنا
طال بيك غيابنا وسبتنا
تايهين نضيع ..
وسط الطرق
وآه وآاااه .. ع اللى
إنكتب جوه الحياه
حزن وغضب والجراح
مليانة آه ..مالية الحياه
مالية الطرق
مكتوب بألام المرار
مافيش فرار م المرار
ولاإنتظار للحنان
ولا الأمان .. دا الكل خان
والفرح ساب المكان وإفترق
والعمر ماخلاص إتسرق
ليست هناك تعليقات