( حليم )مبروك علوه

( حليم )

فى ذكراك يا حليم
راح أقول ألف أه
الفن بعدك ملوش قيمه
تاهت حروفه وضاع معناه

الفن بعدك يا عندليب
كلمات ماسخه واسم كئيب
بقي كله كلام في كلام
تخاريف فاضيه وشئ مريب
فى اللى غنى للخيار
واللى غنى للحمار
واللى غنى للعنب
وكأن الفن بقى مزمار
كان كلامك إحساس تانى
كنت بعيش جوا الأغانى
كنت بترسم الاحلام
وبأغانيك حبيت زمانى
بصوت عالى تقول جبار
تهز القلب ولا الأعصار
وبصوت رقيق تقول نعم
صوت كروان على الأشجار
وأم قولت حاجه غريبه
كان فعلآ فن وله هيبه
فن اليوم ملوش معنى
وتحس فعلآ إنه مصيبه
كنت بسمع الألحان
أعيش معاها أيام زمان
كانت مليانه بشوق وحب
كان كل حرف فيه حنان
كنت فنان وليك قيمه
وفى الاغاني عاطفي وحنون
ذكرى رحيلك اجمل ذكرى
ياساكن القلب والجفون
فى ذكراك يا حليم
راح أقول ألف أه
☆☆☆☆☆☆☆☆؛
مبروك علوه