حدوته مصريه/ بقلــــــــــم/ رضا أبو الغيط
حدوته مصريه
****************
كان واقف زي الددبان
والليل.... .بالطبع جبان
بيخاف من نور الصبحيه
لو شقشق ف الفجر وبان
كان واقف حارس لحدوده
وجدوده الساكنه ف توابيت
بسلاحه اللي بيصلب عوده
بيطوف حوالين البيت
متغطي بالستره الميري
وضميره بيهابه الليل
من نوره بيقيد قنديلي
وتتخبي وطا ويط الويل
شاف تعلب والديب جايين
وتالتهم شيطان ورجيم
وثيابهم تشبه للدين
ما هي حيله والمولي عليم
قام شد سلاحه اللي ف جنبه
وف قلبه زارع طواحين
وزميله قام يسند جنبه
ويغطي ست الحلوين
ليطل الديب السحلاوي
من خرم الليل يلمح طيفها
فلاح الواد كان بحراوي
عاشق... لترابها وأوصافها
وبصرخه تهز الأركان
نادي ع الشعب النعسان
مش وقت النوم افضل جنبي
قوم حارب كل الطغيان
قام هب الشعب الغضبان
ولقيته مالي الميا دين
بيطالب كل الجرزان
ترحل من ست الحلوين
ما عجبش الديب الحدوته
وللا حتي كل اللي معاه
استكتر... التوت ع التوته
كان عاوز .....يقسم وياه
قام قال له بعينك يا خسيس
ياشيطان وجنودك مهاويس
د التوت.... الطارح ف بلادي
لولادي والحلوه هميس
ليست هناك تعليقات