الشاعر عبدالواحد محمد .. وطن بألف معنى .
..
....... وطن بألف معنى ........... حر عامى ....... بقلمى عبدالواحد محمد
الوطن ليه ألف معنى جوى الحروف جوى الكلام
الوطن حضن ودفى ولمه حلوه فى كل دار
شله صحاب متجمعين على سفره روعه ف الأّذان
الوطن أهل وجيران متجمعين مسلم مسيحى
بالحجر ياخدو بطار
الوطن أنك تحارب الأنهزام والأنكسار
مش مجرد أسم من عدة حروف أو كلام
الوطن تضحيه صعبه بالدم نفديه
حتى يوم الحشر والزحام
,,,,,,,,,,,,,,,,,,,,,,,,,,,,,,,,,,,,,,,,,
يافلسطين الحبيه ياأجمل وطن
كان منايه تبقى وطنى حر على طول الزمان
تبقى قبر لكل طاغى تبقى حفره من النيران
تبقى بركان ع اليهود الصهاينه قاتلين الصغار
ياوطن أحمد ومينا وعم جرجس واسماعيل
ياللى فيك مسرى الرسول خير الأنام
ألف بصمه منوره لأخر الزمان
يادموع الطفل جفى وأرحلى
وبطلى تبكى على الدم اللى سال
لسه ما أنش الأوان ترجع أسراب الحمام
على المأذن والكنائس تعم ترانيم السلام
والأذان فى الأقصى يعلى ليل نهار
,,,,,,,,,,,,,,,,,,,,,,,,,,,,,,,,,,,,,,,,,,,
ياسؤال من غير جواب أو بيان
يانساء القدس يا بواسل
الدروس بتعلموها بأهتمام
الصبر والأيمان رساله والشهاده
معلمنها للصغار
قولتو ليهم العمر هاين والروح فداء للوطن
وبالحجر دافع وحارب الدببات والمدافع
الحجر طلق صايب بيقتل الخوف ف الرجال
والوليد عيونه شافت حمل ماتقدر عليه الجبال
مدرسه ومعلماهم أمهم القتال
لما أشوف ست البنات
لبسه طوق على وسطها من النيران
وتقول فداك ياوطن راحت رجال
يبقى ده معنى الوطن بالعزيمه نصنع وطن
نشيل حمل عن كتاف السجين
ونقولو عود عود يا طير تانى لعشك
غنى قول القدس حره حتى لو تحت الحصار
هوه ده معنى الوطن الكل صف
بنت ولد او سيده كتفها بكتف الرجال
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ليست هناك تعليقات