(( قول يا ربيع )) للشاعر ~~~~ رضا ابو الغيط
وبعطر قلبك يا ربيع
بكتب كلامي ع الورق
لكن من الحال الوضيع
تلقاه تملي ينسرق
طيب وعارف سكتك
وتملي شايف خطوتك
قول يا ربيع قول كلمتك
واوعي الهموم لتموتك
اطرح أمل فوق السطور
وزينه بحبة زهور
خلي كلامك ع الورق
يبقي لنا ف الضلمه دي نور
خليك تملي جنبنا
وحب مصر وحبنا
تلقي الجمال زان العيون
وتملي ساكن قلبنا
لخص دفاعك عننا
ان الوطن ده ف دمنا
وادعي إلاهك ف السما
يحمي بلدنا وشعبنا
ليست هناك تعليقات