الشاعر/محمد بدر فوت علينا
فوت علينا
يابنى فوت
الدنيا منفاته وهنموت
عدى مره اسأل علينا
امسح دموعنا من عنينه
دى أمك نفسها
تخدك فحضنها وتضمك
تعال وحدك
بلاش عيالك
ان كنت خايف
ان كان عليا
انا يا بنى اجيلك
بس انت شايف
عكازى فأيدى
والنظر خلاص طشاش
وفى كلمه بايخه
انا عايز اقولها
لكن بلاش
فوت علينا
يابنى فوت
الدنيا منفاته وهنموت
يابه
الدنيا صعبه عليا
يابه
البعد ده مش بأديه
والله يابويا
انا مستغناش
يابنى وانا فى سنك
كنت براعى اخواتى وبرعيك
يابنى انا مش عايز حاجه منك
ان كنت انت عايز اديك
روح يابنى كتر خيرك
امك لسه بتدعيلك
وانا بدعى ربنا يهديك
فوت علينا
يابنى فوت
الدنيا منفاته وهنموت
محمد بدر
ليست هناك تعليقات