الشاعر رفعت ابو العلا ح افوت ..........!!!!!

ح افوت ..........!!!!!

............................................

برغم ...

ردائة الصوت

ورغم ...

المنحنى المخفوت

ورغم ...

المستوى المسكوت

ورغم الحياه ...

اللي راسمه علينا ...

( ملامح موت )

ح نقدر تاني ...

نفوت

رغم انتحار ...

النهار ، والقرار

وثورة الفجار

والفشل بإصرار

وانتحار النخوه ،

وانهيار البيوت

ح نقدر تاني ....

نفوت

رغم الإصرار الشديد

والتوعد ، والوعيد

رغم ثورة العبيد

رغم جبروت الصعيد

البعيد ... البعيد

وإلحاد المريد

وعدونا السعيد

ح نعيد ، ونعيد

إسمعني يا ...

هلفوت

ح نقدر تاني ...

نفوت

رغم ...

كل اللي اديته ؛

و م فادني

رغم الزن ... ،

وردائة الفن ،

وعقلي اللي ...

اتجن

واللي خدني ...

م جابني

لحد م مات ...

صرصور ودني

رغم...

اللي بيهد ،

ويعد ، ويهد ،

وانا اللي تاني ...

أبني

رغم موتك ...

يا امه ،

وحرقك يا ابويا ،

وانتحارك ...

يا ابني ...

لازم ...

قبل م اموت ...

أقطعك ياكفني ،

واجري لبكره ،

( وافوت )

=============================

الشاعر رفعت ابو العلا