دوس ياقلم = بقلم / جبريل رضوان -- تحياتي جدو عبدو
دوس ياقلم
ااااااااااااا
دوس ياقلم ع الالم
واكتب حكايتها
دي مصر غالية علينا
ومحبوبة من بدايتها
وولادها دايما معاها
حتى ف عز شدتها
بقالها سنين صابرة
والايام شدتها
ثابته ف خطاويها وماشية
عارفة سكتها
يارب سدد خطاويها
وزيد ف قلوبنا محبتها
لاحد يقدر عليها ولاحد
يكسر عزيمنها
دي بلد الايمان والدين
ومين مايعرفش قيمتها
ااااااااااااااا
دوس ياقلم ع الالم
واكتب بكل الحروف
لازم ندوس ع الالم
ونتحدى كل الظروف
لابد ننسى القلق وندوس
كمان ع الخوف
ونملى يومك فرح
وندقلك ع الدفوف
والحزن ينسانا والقرح
يملانا ونحني كل الكفوف
مهو انتي غالية علينا
يامصر رغم الظروف
ااااااااااااااااا
يامصر سن القلم
راح ينقصف مني
باكتب ف شعرك وانا راجل
كبير سن الالم سني
ياريت ياناس تسمعوا
وتفهموا مني
الحب مش بالكلام
ولا كلمتين مني
ولاهوه بالشحتفه
ولادمعتين مني
الحب بالافعال وافهموا
ياللي انتوا سمعني
وكلامي طالع من القلب
ومهوش رياء مني
كلامي لبلدي الحبيبة
وطبعا انتوا فاهمني
وكلامي للي بهدلوها
وخلوا الكلام يتوه مني
اااااااااااااااااا
تحيا مصر
جبريل رضوان
ليست هناك تعليقات