كلمات الشاعر عبدالواحد محمد ومن تانى بحلم
ومن تانى بحلم
,,,,,,,,,,,,,,,,,,,,,,,
ومن تانى رجعتلكم
يا أحبالى وخلانى
رجعت لطين أمى وأبوى
وأخوالى وأجدادى
رجعت تانى للدوار
والتوته والساقيه
لساحت البيت
ولم الشمل والأحضان
رجعت أشوف من تانى
ربوع الخير وسنابل الغله
وغيطى اللى شرب عرقى
وسيل دمى بخطى فيه
وساعت العصر ألم صحابى
أشرب شاى
على راسه شجرة توت
ترد الروح بهواها
وتحتيها أكون نساى
ألم جيرانى أحاكيهم
وأسألهم كيف الأحوال
وأعزمهم يشركونى
فغدويه فوق الساقيه
وكوب م الشاى
وألف على الخلان بالدور
وكل رفيق أسلم وأخده بالأحضان
,,,,,,,,,,,,,,,,,,,,,,,,,,,,,,,,,,,,,,,,
وذاك اليوم لمحت عينى
محبوتى على الترعه
بتغسل شعرها الكحل
وفيه خصلات بالحنه
لقيت بالى شرد منى
وقلت لروحى تتأنى
لعل حبيبتى عينها تشوف
وتبعت ليه مع الموجه
بعينها سلام
تشاور حتى بصبعها
عشان ماتجينى ف الأحلام
أو أشرب من على بابها
وقلتها تتهنى
وغاب منى الفؤاد لحظات
وعشت كأنى ف الجنه
لقيت بنوته على بابها
وهيه قاعده تتسله
عملت روحى مش عارف
وقولت أرمى عليها سلام
لقيت محبوبتى تقولى
تعالى أشرب شاى
ونتعشى ونتساهر
حدايه ليك كام كلمه
وبعد شويه سمعت الباب بيخبط
وقولت أنا مين لقيت أمى تنادينى
تقولى أصحى كفياك نوم
صلاة الجمعه أهى وجبت
تعالى صلى وربك يسعدك يابنى
وقلبك يبقى بيه فرحان
وفقت وصحيت من نومى
عرفت بأنى أنا بحلم
لكن حلمى بيسعدنى
وعشت ليله ف الجنه
,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ليست هناك تعليقات