يا حبيبتى ماتزعليش = بقلم كابتن |سعيد عبد العزيز الحاجه -- تحياتي جدو عبدو
يا حبيبتى ماتزعليش
الكُل خانوكٍ وأنا ماخُنتكيش
وأنا من غيرك أنتى أزاى أعيش
يا حبيبتى ماتزعليش
عملوا مؤامره متكيفه
فى شكل ثوره متغلفه
وشعارات جميله مستخففه
بعقول عطاشى متلهفه
لعداله غايبه ومتلفلفه
والعامه تنده عاوزين نعيش
والموجه عاليه ما بتهديش
يشتاق حنانك ...فرحه غيطانك
ما هيلقيش
يبكى يدور وفين أعيش
أنا اللى عُمرى ماخزلتكيش
لو فقيره لو عليله
عُمرى أنا ما ساومتكيش
يا حبيبتى ما تزعليش
فيه نسل منك ما يختشيش
ويالى بدونك ما بنسويش
يا حبيبتى ما تزعليش
بقلم كابتن |سعيد عبد العزيز الحاجه
ليست هناك تعليقات