حساب القلب = الشاعر / عونى هشام -- تحياتي جدو عبدو
( غنائية)
حساب القلب
======= عونى هشام
هات حسابى
معاك فى ورقه
وقول لى باقى
حسابنا ايه
العواطف شوق ورقه
وكل شوقى
برضه ليك
--------
يا ما شفت
معاك مشقه
فى كل حلم
حلمت بيه
قلبى زاد
فى الدق دقه
وكل دقه بتناديك
------------
هات حسابى
وشوف حسابك
قول لى ليه
طال غيابك
انت ليه تأسى عليا
وقلبى
ما يأسى عليك
----------------
كل ورقه
فيها اسمك
رسمت صورتى
جنب رسمك
حلمت بيها
وعشت ليها
وكل فكرى بس فيك
---------------
كل اوراق السنين
محفوره جوايا بحنين
فيها شوق
فيها محبه
يوم بيوم
تكبر معايا
كل يوم
بيزيد هوايا
مشتاق لنظرة
من عينيك
--------------
انت كام
والباقى كام
واللى مكتوب
مش كلام
الايدين
فيها السلام
والقلوب فيها
انسجام
قول حسابنا
يبقى كام
عمرى ما يغلى عليك
============
عونى هشام
ليست هناك تعليقات