آخروصية...........بقلم الشاعر محمد لبيب مصلحي
آخر وصيّة
راح اكتب ليك اخر وصية
نازلة من دموع عينية
تخلى بالك من حياتك
من ولادك من صحابك
وامشى فى الدنيا واكتب
بدون ما تكذب
وكلم كل الناس عليا
أنه مات وساب ايديه
وسابنى وحيدة فى وحدتى
وان كنت غالى عليك بجد
تخلى بالك اليوم بجد
تسلملى على كل البشر
واللى كنت بينهم حجر
ومحروم اقول بحبك
لحد موتى رغم انى بحبك
وعشت قربى دايما فى حضنك
حلم عمرى اكون فى قربك
بس اهى حال الحياه
وادعى وقولى يا الله
يعفى عنك كل الذنوب
بكل نبضة من القلوب
اللى كانت لك تحب
اوعى تنسى كلام وصية
امانه عندك لو لسه ليه
ذكرى حلوة يانور عنية
يالله لبيب خلاص انتهى
رغم عمره عاش منهى
وهى دى حال الحياه
بقلم .................محمد لبيب مصلحي
ليست هناك تعليقات