(( لحظة ضعف )) للشاعر ~~~~ سيد عبدالوهاب
لحظة ضعف
فِكرى هرِب مِنّى
عقلى عَمّال يلاَوِع
قَلَمِى خَوَاه جِنّى
رافِض لِيّا يطَاوِع
وكبِرت عن سِنّى
صَعب تانى أصَارِع
لحظة ضعف هَزّتنى
تايه وسط الشوارِع
الدنيا بِتسخَر لأنّى
فاكِر نَفسِى بارِع
خلاص ياشِعْر كفايا
زرَعْت فِيّا مَواجِع
خُلصِت كده الحكَايه
من غِير أى توابِع
يمكن تِبقَى النهايه
يمكن تِلاقينى رَاجِع
والله هَاتوحَشُونى
وأظُن الكُل سَامِع
بقلم / سيد عبدالوهاب
ليست هناك تعليقات