((( واتعلمتى الكلام ))) الشاعــــر/ أشرف فؤاد السمادونى
((( واتعلمتى الكلام )))
..................................
واتعلمتى الكلام
وعرفتى تقولى
............. فارق
سبتينى للآلام
لسهم ف قلبى
.............حارق
.........................
سبتينى للجراح
........سبتينى للليالى
أبكى
الحب اللى راح
أشكى
.........حالى لحالى
..........................
علمت الحب فيكى
دايما يسكن عنيكى
علمتى الجرح فيا
يسأل قلبى عليكى
..........................
علمتك وانتى جنبى
تبقى ....سمايا وطريقى
واخترتى انتى لقلبى
يبقى ف بحرك غريقى
..........................
لأ .. مش باعتب عليكى
ولا باتمنى الرجوع
سبتينى ..... من ايديكى
تاهت .. بيا القلوع
...........................
انا مش ندمان عليكى
.........انا حزين عليا
ازاى ..فكرت فيكى
واخترتك..... تبقى ليا
...........................
علمتك الكلام
قولتيلى خلاص نفارق
**********************************
ليست هناك تعليقات