بقلم// (حسن الاقصري ) دق الهوي .
(حسن الاقصري )
دق الهوي ...علي قلب مهجور من سنين
رديت انا....بصوت غريق تايه حزين
رديت بصوت..جرحو البكا دبحو الانين
مين الي فاكر..قلب عاش مجروح حزين
مين الي فاكر....قلب نشفت دمعتوا
مين الي فاكر.....قلب دبلت فرحتوا
ماتت سنينوا ودنيتوا
ماتت مشاعروا جوا منه
تاهت طريقوا وسكتوا
نسيوه حبايبوا وصحبته
ليه يا هوي...راجع تجددلي الجروح
ليه بعد ...منسيت البكا وبطلت نوح
رد الهوي..جالك حبيب ينور الدنيا عليك
حبيب يحس بدمعتك وضحكتو تهون عليك
يملا حياتك ...فرح دايمآ ويواسيك
...تمسح دموعك لمستوا ويحس بيك
ليست هناك تعليقات