الاديب (((خالد مقداد ))) ***آذار ونيسان ***
(((خالد مقداد )))
28.3.2016 حياكم الله وطابت اوقاتكم
***آذار ونيسان ***
المطر بآذار ونيسان
ع شفاف الورد الريان
بتبكي على الروض الغيمات
وبتروي ورد البستان
******
لما بتهب النسمات
وتدغدغ كل الوجنات
للشتوه نغني موال
وبنروي احلى حكايات
عن حاضرنا واللي كان
*****
شو حلو الجو بآذار
ساعه شميسه وساعه امطار
غيمات بتطرد غيمات
بآذار ال كله أزهار
يومين وبيجي نيسان
*****
النرجس نادى والدحنون
ما أحلى أريج الليمون
وسحر الأرض بهالأيام
سبحان اللي خلق الكون
لوحه من أجمل ألوان
ليست هناك تعليقات