هفضل أغني لمصربقلـــم // طه إبراهيم
هفضل أغني لمصر
@@@@@@@@
قلت يا باشا انا عايز اتصور
قالي يا فندي الصوره بأجر
قلت انا بكتب أحلي كلام
قالي ومين بيحب الشعر
قلت وإن كان شعر تمام
حتي وإن كان شعر لمصر
قالي وإن كان شعر سلام
أو بتغني ف يوم النصر
عايز تظهر ف الاعلام
إبعت دغري مرتب شهر
تكبر دغري مع الايام
ممكن تصبح نجم العصر
قلت كلامك زين وتمام
ممكن فعلا أعدي البحر
بس دا إمتي وفاضل كام
قال عشرين من ضمن العمر
قلت يا باشا دا يبقي حرام
ممكن تيجي تشوف الشعر
ابيض زي الثلج الخام
وانا مش هقدر اعدي النهر
شوف العمر وفات كام عام
وانا مش هفضل طول الدهر
رابط قلبي علي ألاوهام
حتي الثانيه تعدي لشهر
أمتي يا باشا وفاضل كام
قالي هترمح زي القطر
لما تجوع تتعشي حمام
ويمكن تسكن جوه ف قصر
و يمكن رحله تزور الشام
مع أدبائنا أسود الشعر
قلت يا عم كفايه كلام
هفضل أغني لوطني الحر
ولاّ هستني ف يوم إعلام
بس كفايه أغني لمصر
حتي وإن منعوني النشر
هفضل أغني مدي الايام
عمري ما هقدر أوفي القدر
مهما وهبتك أحلي كلام
روحي فداكي ف يوم العسر
قوم يا شاعرنا اوعي تنام
شد الحيل وانحت ف الصخر
عايزين مصر تكون قدام
تسبق كل شعوب العصر
عايزين نعمل خير وسلام
هو شعارنا طول الدهر
لما الكلمه تكون أحلام
تبقي النور ف طريق النصر
@@@@@@@@
ليست هناك تعليقات