جــربـــت . بقلم \ أحمد شاهين

جــربـــت . بقلم \ أحمد شاهين

جربت تغطس جوا بحر الذكريات

وتفوت ساعات

وإنت باقى مطرحك

جربت تسرح ويا نفسك ف حكايات

ومنبهات الوقت

تصرخ تدبحك

جربت تتخيل حاجات ومخدتك

مركب وعايمه فى الدموع

بتطوحك

جربت تبقى شخص دايمآ مُختفى

والجرح هو الوحيد

إللى قادر يلمحك

جربت تـــــبــــقــى زيــــى انــا

إوعــى تــجــرب

من كل قلبى بــنـــصـــحــك

كلمات \ أحمد شاهين

30 \ 3 \ 2016