الشاعر ... صفوت محمد ...وحشتينى
وحشتينى ... بقولها من قلبى ... يانور عينى .
وحشتينى ... يا احلى وارق همسة فى دنيتى .
وحشتينى .. بقولها باشواقى وحنينى
تعالى .. قربى خلى لحياتى معنى .
تعالى .. اروى عطش السنين المرة ..
خلى ايدى تلمس ايديكى
خلى قلبى يشتاق ليكى
ضمينى جوه قلبك .. خبينى بين رموشك
دفينى بهمسات قلبك البرىء
اسعدى قلبى اللى حبك
اغمرينى بشمس حبك الدافى
اسقينى من حنانك
يا بحر الرقه والحنيه
يا كل اصحابى وحبايبى
يا شوقى وحنينى
وحشتينى ....
... صفوت محمد ...
ليست هناك تعليقات