ماتت قلوب الناس بقلــم/ مجدي فرحات
ماتت قلوب الناس
ماتت فيهم الرحمه
لا حس ولا احساس
راحت فين النخوه
كم من يتيم ياناس
نسيتوه في الزحمه
المال لكم الاساس
فين طيب الصدقه
عريان مبين الناس
جعان بيحلم بلقمه
وعزايم ياه بتنداس
مليانه خير ولحمه
لا نظره ولا اخلاص
هتجي منين الرحمه
قيسوا البلاد يا ناس
عايشين احنا ف ازمه
اوصانا باليتيم ياناس
وعابر سبيل بلا منه
تصبح لاعمالنا ملاذ
تعمر قلوبنا الرحمه
اخرت الحياه دفنه
وقبر يا نار ولا جنه
ماتت قلوب الناس
ماتت فيهم الرحمه
============
ليست هناك تعليقات