يقلم احمد عبد الرحمن القرش شعر عامي
القرش شعر عامي
ياللي معاك القرش
المال اساسة اختبار..فاكر قارون واللي قالة مالي من الخبرة
راح خسفوا ربك لاجل مايكون للبشر عبرة
ولكل وقت ولية قارونة في الماضي او بكرة
وللشيطان الف مدخل والف فكرة وفكرة
بغرورة هايغرك
ووظيفتة وسواسك
هايسحبك وانت فاكر انك علي القمة
هايسحبك من ضميرك
من اهلك ومن ناسك
هايسحبك والتكبر مالي انفاسك
وهاتجري بيك الدنيا دة العمر لية منتهاة
وحليفك اللي مشيت بكل رغبة وراة
بتنفذ اللي بيقولة وتيسب كلام اللي خلقك
وهاييجي في الاخر ويقول برئ منك
ماملكش غير دعوتك
اني اخاف الله
احمد عبد الرحمن
ليست هناك تعليقات