الشاعر السوري المهجري ..اليان سمعان .. =--- حروف وخمر ---

---==0==--- حروف وخمر ---==0==---

..........................................................

عتق ياحرف الخمر بجراري 

---==0==--- ماعاد بدي هيك صور تتكرر

بلكي القبو بيجدد افكاري 

---==0==--- وقيدك عاشعر العشق يتحرر

فكفك قيودك بالحلا داري 

---==0==--- ماعاد عندي حرف يتفسر

صارت حروفي تشعل بناري 

---==0==--- وانت عاحر الشوق تتمختر

سكنت بالنجمات والقمر جاري 

---==0==--- صارت حروفي فيك تتعمر

بقصر الغزل ودعت اسراري 

---==0==--- بجنينة الافكار قصرك تسور

عملتك صباحي ومطلع نهاري 

---==0==--- وعتم الفجرقلي بجبينك تنور

خيوط الشمس عملتها اوتاري 

---==0==--- غني قصيدة بشعرك الاشقر

سكبت الشعر من جرة افكاري

---==0==--- بترجع تقلي حرفك مكرر

>>>>>>>>>>-0-<<<<<<<<<<<<

الشاعر السوري المهجري ..اليان سمعان ..