أسامة حسنى يا مصر ليه متحيرة
يا مصر ليه متحيرة
وسط الظنون متبعترة
والحمل صار جهد السنين اللى ورا
والدم يبكى فى الحارات
يحكى اللى كان واللى جرى
والتور بيشكى لساقيته
حمل السنين جابنى ورا
حتى الحمار ضل الطريق
غوط فى طين طرح الحمول
زاغ فى الطريق عالمندرة
وابو اسماعيل تاه فاسه فين
باع فدانين ...وفدكانين
ضاعت الفلوس عالاستيراد والمنظرة
حتى عزيز
نسى مصنع الجبنة اللذيذ
راح لباريس
راح يشترى فى الكاشكفال ( نوع من انواع الجبن)
والعنكبوت
عشش فى مصنع الرجال
وتقولى ايه اللى جرى
ضحك الخواجة على الشجيع
وعاملى فيها عنترة
أش أش جيوبك يا خفيف
حتى الفانوس والمسخرة
صبحوا استيراد وكفاية علينا السمسرة
أصحى يا مصرى وفوق قوام
قبل الأوان وتقول ياريت اللى جرى
أشعار ورباعيات أسامة حسنى
ليست هناك تعليقات