كوني يامصر احساس /عبير هلال
كوني يامصر
**********
كوني يامصر أم صحيح
وأحمي ولادك دول مجاريح
كوني قوية منهم بيهم ......
...............واجهوا الريح
أوعي تجوري ياغالية عليهم
وتسيبي العدو ينزل تجريح
احنا شبعنا وجع صريح
رغم صمودنا ف وش الريح
توهنا مين ضدنا ومعانا
بس قلوبنا بيكى عشمانة
يامصر ولادك بالملايين
مهما يشوفو لك حامين
وأي أيد تتمد عليكي
هتكون ايدنا له سكاكين
بس ياغالية شدي الخطوة
واوعى لنفسك وبلاش دمعة
تنزل حتى بعد أنين
وأن كان فيكى حد خاين
وسط الزحمة مخفي وعايم
هيجي اليوم له يتحاكم
ولادك دايما لهم صاحين
كل شهيد مات فدا حبك
روى بدمه الأرض عشانك
حزن القلب كتير ولا لامك
بس ف يوم راح ناخد التار
وجوة قلوبنا هنطفي النار
أوعي ف يوم تستسلمي ليهم
دوسي بقوة فوق راقبيهم
واوعي تخافي ولادك نار
تحرق كل عدو جبار
بس خلي اديك ف اديهم
واوعي تجوري ياغالية عليهم
ليست هناك تعليقات